Bushokje ien Lobbersum

Een dialoog die ik ongeveer twintig jaar geleden bijwoonde, uitgetyped heb (op een typemachine), naar een vriend stuurde, die dit getypte velletje onlangs terug vond, fotografeerde, er een jpg van maakte en naar mij e-mailde. Nu maak ik er HTML van. Waarschuwing: dialect.

Aine: “Hest al heurd van ’t bushokje ien Lobbersum?”

Aander: “Nee, wat is doar din miet?”

Aine: “Dei is vot.”

Aander: “Wadde?”

Aine: “Bushokje ien Lobbersum is vot.”

Aander: “Dat kin nait, veurige week was hai der nog.”

Aine: “Joa, ze hemm hom gustern vothoald.”

Aander: “Dus hai is der nait meer.”

Aine: “Nee, dei’s vot.”

Aander: “Moar ik was der veurige week, toun stonne der nog.”

Aine: “Joa, moar nou is hai vot.”

Aander: “Dus ze hemm hom vothoald?”

Aine: “Joa, gustern.”

Aander: “Tou mor, woar is hai nou din?”

Aine: “Vot, sinds gustern.”

Aander: “Dus.”